我不食肉下集

之前我以為哄肥B食肉成功，點知都是失敗。肥B的心結是唔鍾意食肉是怕食肉會涉牙隙，已解釋好多次，說若真的涉牙隙，爸爸媽媽嫲嫲都會幫你，但佢依然口說「肉唔好食，會涉到的。」這句重覆十幾廿次。

肥B不吃肉，令嫲嫲日日心煩，我和先生都擔心肥B長期唔食肉會營養不良。上星期六，我帶肥B去圖書館，當中我看到一本書是講不偏食的，故事主要是講松鼠媽媽告訴松鼠仔仔，若偏食會無營養，照鏡時就見到將來的自己變成瘦削的怪獸。

肥B睇完這本書後，肯再次食返肉，圖書的魔力勝我講10萬次。